अभ्याने केलेल्या फसवणूकीमुळे जहागीरदार आणि धुमाळ कुटुंबात द्वेषाचं बीज पेरलं गेलं आहे. दोन कुटुंबात वाढत असलेल्या दुरावा आणि कटुतेचा परिणाम अभि आणि लतिकाच्या नात्यावर झाला आहे. एकीकडे लतिला अभ्याच्या मैत्रीची किंमत आहे. पण त्याच्या मनात असलेलं प्रेम मात्र तिला समजत नाहीये. बापुंनी जहागीरदार आणि धुमाळ यांच्या घराच्या सीमारेषेवर भिंत बांधून घेतली आहे.
यामुळे आता अभि आणि लतिकाच्या मैत्रीच्या नात्यावरही बापुंच्या द्वेषाची सावली पडली आहे. या सगळ्या धामधुमीत मालिकेत आता नव्या व्यक्तिरेखेची एंट्री झाली आहे. आदिती द्रविड ही या मालिकेत दिसणार आहे. नुकतीच तिची या मालिकेत एंट्री झाली. नंदिनी असं तिच्या व्यक्तिरेखेचं नाव आहे. एकदम स्टायलिश लूकमध्ये आदितीची एंट्री झाली आहे. आता या मालिकेत तिची व्यक्तिरेखा नक्की सकारात्मक आहे की नकारात्मक हे मात्र लवकरच समजेल.
.jpg)
