'एक थी बेगम' या वेबसिरीजमधून अभिनेत्री अनुजा साठेच्या अभिनयाचा वेगळा पैलू पाहायला मिळाला. या वेबसिरीजमध्ये 80 ते 90 च्या दशकातला अंडरवर्ल्डचा काळ दाखवण्यात आला होता. ज्यात अशरफ नावाची महिला आपल्या पतिच्या मृत्यूचा बदला घेते. ही वेबसिरीज सत्य घटनेवर प्रेरित आहे. या वेबसिरीजचा अपूर्ण शेवट पाहून याचा दुसरा भाग येणार याची सगळ्यांना उत्सुकता होती.
नुकतीच या सिरीजच्या दुसऱ्या भागाच्या कामाला सुरुवात झाली आहे. या सिरीजचे दिग्दर्शक सचिन दरेकर यांनी काही दिवसांपूर्वी याविषयी एक पोस्ट केली होती. मात्र आता स्वत: अनुजानेदेखील अशीच एक पोस्ट करून दुसऱ्या भागासाठी ती उत्सुक असल्याचं या पोस्टमध्ये म्हणतेय.
या वेबसिरीजमध्ये अनुजा ही आव्हानात्मक भूमिका साकारताना दिसतेय. ही बेगम शत्रूंचा सामना कशी करते हे दुसऱ्या भागात पाहायला मिळेल अशी शक्यता नाकारता येत नाही. नवऱ्याचा खूनाचा सूड घेण्यासाठी अशरफने घेतलेलं सपनाचं रुप यात पाहायला मिळालं होतं. मात्र आता यापुढे काय घडणार हे पाहण्यासाठी प्रेक्षक आसुसले असणार यात शंका नाही.अनुजाने या वेबसिरीजमध्ये साकारलेल्या भूमिकेच प्रचंड कौतुक झालं होतं. अशरफचा सूडाचा प्रवास या सिरीजमध्ये दाखवण्यात आला होता.
अनुजा या पोस्टमध्ये लिहीते की, "प्रक्रियेत आहे.. खूप उत्सुक आहे." दुसऱ्या भागासाठी उत्सुक असल्याचं अनुजा यात लिहीते. सोबतच अनुजाने सिझन 2च्या पहिल्या भागाच्या स्क्रिप्टचा फोटो यात जोडला आहे.
