घरात जर एक दिवस काम करणारी बाई नाही आली तर...या दिवसाची कित्येकजण कल्पनाच करु शकत नाही. आपलं संपूर्ण घर ज्यांच्यावर अवलंबून असतं त्या काम करणा-या मोलकरीण बाई जरी आपल्या घरातल्या नसल्या तरी नकळतच घराचा अविभाज्य घटक बनून जातात. अन्न, वस्त्र, निवारा या मुलभूत गरजांसोबतच घरकाम करणारी बाई ही नोकरदार स्त्रियांच्या आयुष्यातली महत्त्वाची व्यक्ती आहे. त्या असतात म्हणून घरची सर्व धुरा त्यांच्या हाती सोपवून आपण निश्चिंत होऊन ऑफीसची आणि बाहेरची कसरत करतो.
कधी ताई, कधी मावशी, कधी काकू तर कधी फक्त बाई बनून या घरकाम करणा-या स्त्रिया आजच्या प्रत्येक कुटुंबाचा आधार बनतात. आपल्या आयुष्यातल्या याच महत्त्वाच्या व्यक्तीची गोष्ट सांगणारी ‘मोलकरीण बाई’ ही मालिका लवकरच ‘स्टार प्रवाह’ या वाहिनीवर पाहायला मिळणार आहे. १८ मार्चपासून सायंकाळी ६.३० वाजता ही नवी मालिका प्रेक्षकांच्या भेटीला येत आहे.
https://twitter.com/StarPravah/status/1101361255070212097
