'आई कुठे काय करते' ही मालिका ही मराठीतील नंबर वन मालिका ठरली आहे. या मालिकेला प्रेक्षकांचा भरगोस प्रतिसाद मिळत आहे. मालिकेची कथा आणि मालिकेतील विविध व्यक्तिरेखा या लक्षवेधी ठरल्या आणि प्रेक्षकांनी या मालिकेला पसंतीची पावती दिली.
यात मालिकेतील कलाकार हे सेटवर कुटुंबासारखे वावरतात. या कलाकारांची जशी ऑनस्क्रिन केमिस्ट्री पाहायला मिळते तशीच ऑफस्क्रिनही त्यांचं घट्ट नातं निर्माण झालं आहे. या मालिकेत अरुंधतीची सासू आणि अनिरुद्धच्या आईची भूमिका साकारणाऱ्या कांचन ताई म्हणजेच अभिनेत्री अर्चना पाटकर यांच्या वाढदिवसाला या कलाकारांनी खास शुभेच्छा दिल्या आहेत. सेटवर तर त्यांचा वाढदिवस साजरा करण्यात आलाच मात्र सोशल मिडीयावर या मालिकेतील कलाकारांनी त्यांना खास शुभेच्छा दिल्या आहेत.
अरुंधतीची भूमिका साकारणारी अभिनेत्री मुधराणी प्रभुलकरने अर्चना यांच्यासोबतचा फोटो पोस्ट केला आहे. प्रिय अर्चू म्हणत मधुराणीने त्यांना वाढदिवसाच्या शुभेच्छा दिल्यात. तर अरुंधतीच्या मुलाची भूमिका साकारणारा अभिनेता निरंजन कुलकर्णीने देखील त्यांना शुभेच्छा दिल्या आहेत. तो लिहीतो की, "आपल्या सर्वांच्या लाडक्या गोड स्वभावाच्या कांचन ताई उर्फ अर्चना पाटकर यांना जन्मदिनाच्या खूप खूप शुभेच्या .... वाढदिवसाच्या शुभेच्छा अर्चू ताई"
अर्चना पाटकर या 38 वर्षांपासून मराठी, हिंदी, गुजराती सिनेमे, नाटक आणि मालिकांमध्ये काम करत आहेत.
