ज्या क्षणाची महाराष्ट्रातील टेलिव्हिजन प्रेक्षक आतुरतेने वाट पाहत होता अखेर तो दिवस आता येऊन ठेपलाय. तो दिवस म्हणजे सई - आदित्यच्या लग्नाचा. माझा होशील ना या मालिकेतील सई - आदित्यचं लग्न कधी होणार हा प्रश्न अनेकांना पडला होता, आणि अखेर आता दोघं लग्न करत आहेत.
या लग्नात अनेक ट्विस्ट असण्याचीही शक्यता आता नाकरता येत नाही. कारण या लग्नात होणार आहे एक खास एन्ट्री. झी मराठीच्या ऑफिशियल साईटवर सोशल मिडीयावर एक पोस्ट करण्यात आली आहे. या पोस्टमध्ये एका छोटा सरदार डान्स करताना पाहायला मिळतोय. यात कॅप्शन लिहीलय की, "ओये.... सई आणि आदित्यच्या लग्नात येणार हा कोणाचा तरी 'सन ऑफ सरदार'. तुम्ही ओळखलं का या छोट्या सरदारजीला? आम्हाला कमेंटमधून सांगा. प्रेमाचा दिवस अजरामर होणार.....सई-आदित्यचं लग्न लागणार...!!"
आता हा छोटा सरदार म्हणजेच सन ऑफ सरदार नेमका कोण आहे हे पाहणं महत्त्वाचं ठरणार आहे. या पोस्टमधील व्हिडीओत हा छोटा सरदार पाठमोरा असलेला पाहायला मिळतोय.
