राजकीय पार्श्वभूमीवर फुलणारी राजवीर आणि पियूची प्यारवाली लव्हस्टोरी छोट्या पडद्यावर रसिक प्रेक्षकांना खुप भावते. लागिरं झालं जी फेम निखील चव्हाण ‘कारभारी लय भारी’ या मालिकेत राजवीर हा नायक साकारतोय. पण ह्यात त्याला खंबीर साथ देणारी सतत त्याच्या पाठीमागे उभी ठाकणारी त्याची कारभारीण पियू साकारणारी अभिनेत्री म्हणजेच अनुष्का सरकटे.
सोशल मिडीयाव अनुष्का सतत सक्रीय असते.अलिकडेच तिने काही फोटो चाहत्यांशी शेअर केले आहे.
अनुष्काच्या या लय भारी फोटोशूटवर चाहते कौतुकाचा वर्षा्व करतायत.
अनुष्का ही मूळची औरंगाबादची आहे. पुण्यातील ललित कला केंद्र मध्ये अभिनयाचे धडे गिरवल्यावर तिने जवळपास चार वर्षे रंगभूमीवर विविध भूमिकांमधून अभिनय केला. पुढे कलर्स मराठीवरील “श्री लक्ष्मीनारायण” या लोकप्रिय मालिकेत अनुष्काने श्री लक्ष्मीमातेची मुख्य भूमिका साकारली होती.
तसंच सोनी मराठी वाहिनीवरील ‘मी तुझीच रे’ ह्या मालिकेतसुध्दा ती झळकली होती. त्यानंतर ब-याच कालावधीने अनुष्का आता छोट्या पडद्यावर नायिका म्हणून झळकतेय.
आता लॉकडाऊनमुळे महाराष्ट्रात चित्रिकरणाला बंदी असल्याने पुन्हा एकदा नव्याने आणि नव्या वेळेत कारभारी लयभारी ही मालिका प्रेक्षकांच्या भेटीला येतेय.
