.jpg)
स्वप्निल जोशी आणि त्याच्या मुलांचा दंगा आपल्याला पिल्लू टीव्हीच्या माध्यमातून पाहायला मिळाला आहे. त्याची गोड लेक मायरा आणि लाघवी असा राघव यांचा क्युटनेस पाहायला सर्वांनाच आवडतं. अनेकदा सोशल मिडीयावर स्वप्निल त्यांचे क्युट फोटो आणि व्हिडीओ शेअर करतो आणि चाहते ते पाहून खुश होऊन जातात. आत्तासुध्दा स्वप्निलने मायराच्या डान्सचा एक क्युट व्हिडीओ चाहत्यांशी शेअर केलाय. तो पाहून तुम्हीही म्हणाल कित्ती गोड.
स्वप्निलची चिमुकली लेक बॉलिवूडचं प्रसिध्द डान्स नंबर कोकाकोला..गाण्यावर थिरकलीय. डान्स करताना मायरा सर्व स्टेप अगदी लिलया व अचूक करताना पाहायला मिळतेय. चाहत्यांसह प्रार्थना बेहरे, तेजस्विनी पंडीत, सई देवधर अशा अनेक कलाकरांनीसुध्दा मायराच्या ह्या डान्स व्हिडीओवर लाईक्स आणि कॉमेंट्सचा वर्षाव केला आहे.
राघव आणि मायरा या मराठी इंडस्ट्रीतील स्टारकिड्सवर चाहते नेहमीच कौतुकाचा वर्षाव करतात. बाबा स्वप्निलसारखेच हे दोघंही मनोरंजनविश्वात आपली कारकिर्द करु पाहत असतील तर नवल वाटायला नको.
