.jpg)
अभिनेत्री प्राजक्ता माळीची आता नवी ओळख समोर आली आहे. एक उत्तम अभिनेत्री, नृत्यांगना, सूत्रसंचालकसह आता प्राजक्ताची कवयित्री ही नवी ओळख निर्माण झालीय. नुकताच 'प्राजक्तप्रभा' हा कवितासंग्रह प्राजक्ताने प्रकाशित केलाय. प्राजक्ताच्या चाहत्यांना आता तिच्या लेखणीतून तयार झालेल्या कविता वाचता येत आहेत. ज्यात प्राजक्ताने तिच्या आयुष्यातील अनुभवातून केलेल्या मराठी, हिंदी आणि इंग्रजी कविता आहेत.
मात्र या काव्यसंग्रहानंतर आणखी एका गोष्टीचा प्राजक्ताला आनंद झालाय. प्राजक्ताचा कवितासंग्रह आता विक्रीसाठी विविध ठिकाणी उपलब्ध झालाय. यातच हा कवितासंग्रह प्राजक्ताच्या एका आवडत्या ठिकाणी विकला जात असल्याचा आनंद तिला जास्त आहे. आत्तापर्यंत ज्या पुस्तक गॅलरीत ती पुस्तक खरेदीसाठी जायची तिथे तिच्या कवितासंग्रहाची विक्री केली जात आहे. या पुस्तकाच्या दुकानात स्वत:चा कवितासंग्रह पाहुन प्राजक्ता आनंदी झालीय.
प्राजक्ताने नुकतच सोशल मिडीयावर पोस्ट करून याविषयी माहिती दिली असून हा आनंद पोस्टमधून व्यक्त केलाय. ती लिहीते की, "ज्या बूक गॅलरीमध्ये आपण पुस्तक खरेदीला जायचो; तिथे आपलं पुस्तक विक्रीसाठी ठेवलं जातय; हा आनंद अवर्णनीय आहे."
हा अवर्णनीय आनंद प्राजक्ताने या पोस्टमधून शेयर केलाय.
