घर ही प्रत्येकाच्या आयुष्यातील सुंदर संकल्पना आहे. घराचा आणि त्याच्याशी निगडीत नातेसंबंधांचा प्रवास अतिशय अनोख्या पध्दतीने विषद करणाऱ्या ‘होम स्वीट होम’ या मराठी सिनेमाचा नुकताच ट्रेलर आणि म्युझिक लाँच सोहळा मोठ्या उत्साहात सर्व कलाकारांच्या उपस्थितीत मुंबईत पार पडला.‘होम स्वीट होम’ या सिनेमातून लेखक अभिनेता अशी ओळख असलेले हरहुन्नरी कलाकार हृषीकेश जोशी दिग्दर्शनात पदार्पण करत आहेत.

घर हे केवळ चार भिंती आणि दोन खिडक्यांपर्यंत मर्यादित न राहता कुटुंबाचे सदस्य बनण्याची क्षमता असणारी वास्तू आहे, असे या सिनेमाच्या ट्रेलरमध्ये वैभव जोशी यांची कविता सांगून जाते. तसेच रीमा आणि मोहन जोशी या दांपत्यामधील निखळ आणि विनोदीकिस्से मनाला भावतात. शहराच्या मध्यवर्ती भागात असललेल्या घराच्या विक्रीतून मोठी रक्कम मिळेल हे कळताच रीमा यांची उतारवयात सर्वसुख सुविधायुक्त अशा उच्चभ्रू इमारतीतील घर घेण्याची इच्छा होते; पण घराविषयी जिव्हाळा बाळगणारे मोहन जोशी घर विकण्यास कदाचित तयार नाहीत. स्पृहा जोशी साकारात असलेली अवखळ देवीका आणि हृषिकेश जोशी यांचा साधा, मध्यमवर्गीय सोपानसुद्धा मनाला भावणारा आहे. येतो. शिवाय विभावरी देशपांडे, प्रसाद ओक, सुमित राघवन आणि मृणाल कुलकर्णी यांची झलक दिसते, यामुळे प्रेक्षकांच्या मनात सिनेमाविषयी उत्सुकता निर्माण होत आहे.

https://www.youtube.com/watch?v=YG3FfeqID8s&feature=youtu.be

‘होम स्वीट होम’ची कथा हृषीकेश जोशी, वैभव जोशी, मुग्धा गोडबोले यांची आहे. तर संगीतकार नरेंद्र भिडे, संतोष मुळेकर यांनी कवी, गीतकार वैभव जोशी यांच्या गीतांना स्वरबद्ध केले आहे. अजय गोगावले यांच्या आवाजातील ‘इकडून तिकडे तिकडून तिकडे’ हे गीत लक्षवेधून घेते. तर सचिन पिळगांवकर यांच्या आवाजत 'हाय काय नाय काय' ऐकायला मज्जा येते. फ्रेम्स प्रॉडक्शन्स कंपनी प्रा. लि. निर्मित आणि प्रोऍक्टिव्ह प्रस्तुत ‘होम स्वीट होम’ सिनेमाचे निर्माते हेमंत रुपरेल आणि रणजीत ठाकूर आहेत तर आकाश पेंढारकर, विनोद सातव प्रस्तुतकर्ते आहेत.

घराविषयीची प्रत्येकाची व्याख्या वेगळी असली तरी घर हे प्रत्येकाला हवं असतं आणि सर्वांचं आपलं घर हे ‘होम स्वीट होम’ असतं, असं सांगणारा ‘होम स्वीट होम’ येत्या 28 सप्टेंबर रोजी संपूर्ण महाराष्ट्रात प्रदर्शित होत आहे.