सध्या गाजत असलेल्या ‘अनन्या’ या नाटकाला प्रेक्षकांचा चांगला प्रतिसाद मिळाला आहे. अनन्या ही एका मुलीच्या जिद्दीची आणि इच्छाशक्तीची कथा आहे. अभिनेत्री ऋतुजा बागवे या नाटकात मुख्य भूमिका साकारत आहे. तिच्या या नाटकातील भूमिकेचं कौतुक होत आहे. या नाटकामुळे ऋतुजाच्या शिरपेचात आणखी एक मानाचा तुरा खोवला गेला आहे.
अनन्याच्या 275व्या शोमध्ये ऋतुजाचा ‘इंडिया बुक ऑफ रेकॉर्ड असोसिएशन’ या संस्थेकडून सन्मान केला गेला. असा सन्मान ती पहिली अभिनेत्री आहे. विशेष म्हणजे अनन्याच्या व्यक्तिरेखेसाठी एका वर्षात 12 अ‍ॅवॉर्ड मिळवणारी ती पहिलीच कलाकार आहे. ही बाब मराठी रंगभूमी आणि सिनेमासाठी ही बाब नक्कीच गौरवास्पद आहे. या नाटकाचं दिग्दर्शन प्रताप फड यांनी केलं आहे.
