बॉईज पून्हा एकदा नव्या कथानकासह परतलेत. गेल्यावेळी ही फिल्म अनेक इतऱ सिनेमांवर भारी पडली होती. पण आता ह्या बॉईजवर भारी पडणार आहे, त्यांच्याच सिनेमातली एक बोल्ड, ब्युटिफुल आणि हॉट मुलगी, म्हणजेच अभिनेत्री शुभांगी तांबाळे.
सुप्रसिध्द ज्येष्ठ अभिनेते विक्रम गोखलेंसोबत ‘बालपण देगा देवा’ ह्या मालिकेत दिसलेली शुभांगी तांबाळे आता बॉईज-2 सिनेमाव्दारे सिल्व्हर स्क्रिनवर पदार्पण करतेय. आपल्या पदार्पणातच एका बोल्ड भूमिकेत दिसणारी शुभांगी म्हणते, “महाविद्यालयीन विश्वातल्या ह्या कथेत संपूर्ण कॉलेजला वेड लावणारी एक मुलगी येते. जिचे नाव असते स्वाती शिंदे. ही स्वाती तिच्या रूपाने आणि हॉटनेसने अख्या कॉलेजच्या मुलांना आपल्यामागे फिरायला भाग पाडत असते. संपूर्ण कॉलेजच्या ‘दिल की धडकन’ असलेली स्वाती बॉईजच्या विश्वात आल्यावर काय धम्माल उडते, ते तुम्हांला सिनेमात पाहायला मिळेल.”
शुभांगी आपल्या हॉट आणि सेन्शुअस लूकबद्दल पूढे सांगते, “बॉईज हा असा सिनेमा होता, ज्याने अख्या महाराष्ट्रातल्या युवापिढीला वेडं लावलं, अशा सिनेमाच्या फ्रॅचाईजीमधून पदार्पण होणं, ही निश्चितच कोणत्याही कलाकारासाठी आनंदाची गोष्ट आहे. बोल्डनेस हा अभिनयाचाच एक भाग आहे. आणि माझी भूमिका रंगवताना तिच्याशी एकरूप होण्याचा प्रयत्न मी केला आहे.”
बॉईजना आपल्या अदांनी वेड लावणारी स्वाती आता अख्या महाराष्ट्राला वेड लावणार हे निश्चितच.
