अभिनेता-दिग्दर्शक प्रसाद ओकची पत्नी मंजिरी ओकचा उत्साह नेहमीच वाखाणण्याजोगा असतो. मग कधी घरीच नानाविविध पदार्थ तयार करणं असो किंवा मग एखाद्या सण-उत्सवाची जय्यत तयारी करणं असो. मंजिरी ओक नेहमीच यात परंपरा, वैविध्य आणि आधुनिकतेचा मिलाफ साधण्याचा  प्रयत्न करते. नुकतीच गुरुपोर्णिमा साजरी झाली आहे यानिमित्त तिच्या सोशल मिडीया अकाऊंटवरुन काहीतरी खास चाहत्यांना पाहायला मिळालं. 

ही खास गोष्ट म्हणजे, मंजिरी चक्क माधुरी दीक्षितच्या चने कें खेत में... या गाण्यावर थिरकल्याचं या व्हिडीओत पाहायला मिळालं. तसं तर हा व्हिडीओ ती पोस्ट करणार नव्हतीच. पण त्याचं झालं असं, तिच्या डान्सगुरुंनी त्यांच्या सोशल मिडीयावर हा व्हिडीओ अपलोड केल्याने मंजिरीला हा व्हिडीओ शेअर करावाच लागला. 

 

 

 

 

View this post on Instagram

 

 

 

 

 

 

 

 

 

मी हा व्हिडिओ कधीच पोस्ट केला नसता, पण आता हा डान्स शिकवलेल्या माझ्या गुरूंनी म्हणजेच @pallavitolye नी आपल्या पेज वर तो टाकल्या मुळे आता संकोच करून काहीच उपयोग नाही हे लक्षात आलं.. आणि तिचा आग्रह पण मला आजच्या दिवशी मोडावासा नाही वाटला ..पल्लवी तू आम्हाला हा आनंद देऊन कठीण काळात माझ्यासारख्या एका non dancer ला पण खूप सकारात्मक ऊर्जा दिलीस , कॉन्फिडन्स दिलास ..त्याबद्दल तुझे खूप खूप आभार आणि मी प्रयत्न करून ही ह्या बदल्यात तुला गुरु दक्षिणा देऊ शकणार नाही...म्हणून फक्त इथूनच नमस्कार आणि shoot credit : @oakprasad ..thank u prasad️ Prasad आणि काळजी करू नकोस मी तुला हे सारखं सारखं नाही करायला लावणार ह... #staypositive #happyme #nondancer #मन गुंतवून ठेवा

A post shared by manjiri oak (@manjiri_oak) on Jul 5, 2020 at 4:26am PDT

अर्थातच या व्हिडीओचं शूटींग दस्तरखुद्द प्रसाद ओक यांनीच केलं आहे. प्रसाद ओकप्रमाणेच मंजिरीचासुध्दा एक स्वतंत्र चाहतावर्ग आहे. त्यामुळे तिच्या या व्हिडीओवर चाहत्यांनी अक्षरश: कॉमेंट्स आणि लाईक्समधून तिला भरभरुन दाद दिली आहे. 

या व्हिडीओवरुनच मंजिरी ओक किती हौशी आहे , हे दिसून येतं.