.jpg)
अभिनेता अक्षय वाघमारे आणि योगिता गवळी यांचं लग्न यावर्षी चर्चेचा विषय ठरलं. योगिता गवळी ही अरुण गवळी यांची कन्या असल्याने या लग्नाची प्रचंड चर्चा झाली. त्यातच अभिनेता अक्षय देखील कलाविश्वात तितकाच प्रसिद्ध कलाकार आहे. या लग्नाचं चर्चेत राहण्याचं आणखी एक कारण होतं ते म्हणजे दोघांनी चक्क लॉकडाउनमध्येच हा लग्नसोहळा आटपला.
दगडीचाळीत अक्षय आणि योगिता विवाहसोहळा संपन्न झाला होता. आणि आता नवं जोडपं लग्नानंतरच आयुष्य निवांत घालवताना दिसत आहेत. सोशल मिडीयावर दोघांचे विविध फोटो सध्या पाहायला मिळत आहेत. त्यातच नुकत्याच केलेल्या एका पोस्टने सगळ्यांचं लक्ष वेधलं आहे.
अक्षय आणि योगिता यांनी कोल्हापुरातील एका ट्रक हाऊसला भेट दिली होती. या हटके ट्रक हाऊसचा दोघांनी आनंद लुटला. त्याचे फोटोही त्यांनी सोशल मिडीयावर पोस्ट केले आहेत. ट्रकच्या वरती उभारलेलं हे हटके लाकडी घर सगळ्यांनाच आवडल्याचं या फोटोमधील कमेंट्समधून पाहायला मिळतय.
