मनोरंजन विश्वातील बहुतांश कलाकार हे सोशल मिडीयावर सक्रीय आहेत. यात युट्यूब प्लॅटफॉर्मवरही काही कलाकारांचे युट्यूब चॅनेल्स आहेत. अभिनेता स्वप्निल जोशीचं देखील पिल्लू टीव्ही नावाचं युट्यूब चॅनेल आहे. या चॅनेलवर स्वप्निल हा सुरुवातील त्याच्या मुलांचे विविध व्हिडीओ पोस्ट करत असे. मात्र लॉकडाउनच्या काळात स्वप्निलने या चॅनेलवर विविध गोष्टी पोस्ट केल्या. यात त्याच्या विविध प्रसिद्ध मालिकांच्या आठवणींचा देखील समावेश आहे.

यातच स्वप्निलच्या पिल्लू टीव्ही चॅनेलवर आता एक नवंकोरं मराठी गाणंही प्रदर्शित होणार आहे. या गाण्याविषयीची पोस्ट स्वप्निल जोशीने शेयर केली होती. 'वामांगी' असं या गाण्याचं नाव आहे.या पोस्टमध्ये स्वप्निल लिहीतो की, "दर्शनाची ओढ, भेटीची आस अंगी लवकरच घेऊन येत आहोत विठ्ठल वामांगी!"

वामांगी !

नवीन मराठी गाणं !! लवकरच !!

Pillutv Originals !!! #musicvideo #NewSingle https://t.co/GaRE82PwgU

Like. Share. Subscribe. #Pillutv pic.twitter.com/nGGkXcvaq9

— Swwapnil Joshi | स्वप्नील जोशी (@swwapniljoshi) August 7, 2020

यात त्याने गाण्याचा टीझरही प्रदर्शित केला. या गाण्याविषयी सांगण्यासाठी स्वप्निलने नुकताच एक व्हिडीओदेखील पोस्ट केला आहे. या व्हिडीओत स्वप्निल या गाण्याची माहिती देत आहे. पिल्लू टीव्हीवरील हे पहिलं वहिलं ओरिजीनल गाणं असेल.