फेब्रुवारी महिना हा मुळातच प्रेमाचा वर्षाव करणारा महिना. प्रेयसी सोबतची पहिली भेट ही अविस्मरणीय भेट आणि त्या भेटीची नशा काही औरच. ही नशा प्रियकराला कधी उतरू नये असचं नेहमी वाटते. अशीच नशा प्रत्येकावर चढवण्यासाठी आणि प्रेमाचा नवा रंग-ढंग घेऊन तुमच्या भेटीस आलंय, वात्सल्य स्टुडिओ आणि व्हाईट क्नाईट प्रोडक्शन प्रस्तुत ‘राधा’ मराठी म्युझिक अल्बम मधील ‘अजून अजून’ हे रोमँटिक गाणं. व्हॅलेंटाईन डे च्या निमित्ताने १६ फेब्रुवारीला कॅफेमराठीच्या YouTune चॅनेलवर हे गाणं प्रदर्शित करण्यात आले आहे. कॅफेमराठीच्या YouTune चॅनेलवर प्रेक्षकांना ‘अजून अजून’ हे व्हिडिओ गाणं पाहायला मिळेल.
राहुल पुणे आणि अपूर्वा गायकवाड ह्या गाण्यामध्ये आपल्याला प्रमुख भूमिकेत दिसणार आहेत. गाण्याचे गीतकार, संगीतकार पुष्पक परदेशी हे असून त्यांनीच ह्या गाण्याचे बोल लिहिले आहेत. वात्सल्य स्टुडिओ आणि व्हाईट क्नाईट प्रोडक्शन ह्यांनी या आधीही बरीच गाणी प्रस्तुत केली आहेत. पण हे गाणं व्हॅलेंटाईन डे साजरा करणाऱ्या किंवा न करणाऱ्या अशा प्रत्येक व्यक्तीसाठी पर्वणी ठरेल. ह्या गाण्याची सर्व शूटिंग ही औरंगाबाद येथील एफ. केझ फार्म वर झाली आहे. ह्या गाण्याचे दिग्दर्शन अमेय खाडे आणि सागर जैन यांनी केले असून संगीत व्यवस्था आणि निर्मिती अंकराज यांनी केली आहे. ह्या गाण्याचे छायाचित्रण अमेय खाडे ह्यांनी केले आहे. तर सागर जैन यांनी एडिटिंग केली आहे. क्रिएटीव डिरेक्शन आणि प्रोडक्शन हेडमुख्य जबाबदारी अनिरुद्ध तुगावे यांनी पार पडली आहे. तसेच फोटोग्राफी प्रवीण राठोड आणि सबटाईटल अपूर्वा कामत यांनी केले आहे.
आजच्या तरुण पिढीला प्रेम आणि प्रेमाचा खरा अर्थ सांगणार असं हे गाणं असून प्रेम काय असतं आणि ते कस जगावं हे या गाण्यातून आपल्याला नक्कीच अनुभवायला मिळणार आहे.
