काही दिवसांपुर्वी पापाराझ्झींनी आलियाला दिनेश विजनच्या ऑफिसबाहेर पाहिलं होतं. पीपिंगमूनला मिळालेल्या माहितीनुसार अलिया लवकरच दिनेश विजनच्या हॉरर-कॉमेडी सिनेमात दिसू शकते. वडील महेश भट्ट यांच्या ‘सडक 2’ आणि संजय लीला भन्साळीच्या ‘गंगूबाई काठियावाडी’ नंतर हलक्या-फुलक्या सिनेमात काम करु इच्छित आहे. हे दोन्ही सिनेमे जुलै आणि सप्टेंबरमध्ये रिलीज होत आहेत.

आलियाला या सिनेमाची पटकथा आवडल्याचं समजत आहे. मेकर्स आणि आलियाची टीम सिनेमा फ्लोअरवर जाण्यापुर्वी काही बाबींवर वर्कआऊट करत आहे. सिनेमाचं नाव अजून ठरलेलं नाही. ‘अंधाधून’ चे पटकथा लेखक योगेश चंदेकर या सिनेमाचं दिग्दर्शन करतील. धर्मा प्रॉडक्शनचा ‘ब्रम्हास्त्र’ आणि एस एस राजमौली यांचा ‘आरआरआर’चं शुटिंग संपल्यानंतर आलिया या सिनेमाच्या शुटिंगला सुरुवात करेल. त्यानंतर ती करण जोहरच्या ‘तख्त’ सिनेमाच्या शुटिंगला सुरुवात करेल. 

दिनेशचा हा हॉरर जॉनरचा दुसरा सिनेमा असणार आहे. त्याचा 2018मध्ये राजकुमार राव आणि श्रद्धा कपूर स्टारर ‘स्त्री’ हा सिनेमा प्रदर्शित झाला होता. याशिवाय आणखी एक हॉरर कॉमेडी सिनेमा प्रदर्शित होणार आहे तो म्हणजे ‘रुही अफजाना’ या सिनेमात जान्हवी कपूर आणि वरुण शर्मा आहे.