स्टार प्रवाहवरील सर्वांची लाडकी मालिका लेक माझी लाडकी आता एका नव्या वळणावर येऊन ठेपली आहे. मालिकेत येणा-या एका नव्या ट्विस्टने प्रेक्षकांना मोठा धक्का बसणार आहे. मालिकेत महाएपिसोडमध्ये बारशाचा कार्यक्रम रंगणार आहे. या कार्यक्रमासाठी संपूर्ण कुटुंब एकत्र आलंय. बाळाचं नाव काय ठेवायचं याची सर्वांमध्ये उत्सुकता आहे. मात्र याच कार्यक्रमात इरावतीसमोर एक सत्य उघड होणार आहे. ज्या बाळाचं भरपूर कौतुक होतंय ते बाळ सानिकाचं नसल्याचं धक्कादायक वास्तव इरावतीसमोर येणार आहे. हे बाळ नेमकं कुणाचं आहे?

https://twitter.com/StarPravah/status/1022719498065981440

'लेक माझी लाडकी' ही मालिका सुरू होऊन जवळजवळ वर्षं पूर्ण होत आहे. या मालिकेतील सगळ्याच व्यक्तिरेखा प्रेक्षकांच्या पसंतीस उतरत आहेत. या मालिकेतील नायिका असलेली सानिका तर चाहत्यांची चांगलीच दाद मिळवत आहे. ही भूमिका साकारणाऱ्या नक्षत्रा मेढेकरला प्रेक्षकांची नेहमीच उत्कृष्ट अशी दाद मिळते.

बाळासाठी सानिकाने बरीच स्वप्न रंगवली होती, ते बाळ आपलं नाही हे सत्य सानिकासमोर येईल का? ती या सत्याचा स्वीकार कसा करेल? मीराचा या सर्वाशी काय संबंध आहे?हे  सर्व महाएपिसोडच्या भागात उलगडणार आहे. २९ जुलै रोजी दुपारी १ आणि संध्याकाळी ७ वाजता हा विशेष भाग प्रसारित होईल.