'सेक्रड गेम्स' या वेब सिरीजमधील प्रत्येक पात्र प्रेक्षकांच्या पसंतीस उतरलं. विशेषकरून काटेकरची भूमिकाही प्रेक्षकांना आवडली. जी साकारली होती अभिनेता जितेंद्र जोशीने. आणि पुन्हा एकदा जितेंद्र जोशी एका वेब सिरीजच्या माध्यमातून प्रेक्षकांचं मनोरंजन करेल.
किंग खान शाहरुखच्या रेड चिलीज निर्मित 'बेताल' या वेब सिरीजमध्ये जितेंद्र जोशी झळकणार आहे. नुकताच या सिरीजचा फर्स्ट लुक प्रदर्शित करण्यात आला आहे. निखील महाजन आणि पॅट्रीम ग्रहम यांनी या सिरीजचं दिग्दर्शन केलं आहे. या सिरीजमध्ये विनीत कुमार, अहाना कुमरा, सुचित्रा पिल्लाई, मंजिरी पुपाला, सायना आनंद, जतीन गोस्वामी, सिध्दार्थ मेनन, यशवंत वासनीक, सविता बजाज हे कलाकार आहेत.
नुकत्याच प्रदर्शित झालेल्या या थरारक फर्स्ट लुकने या वेब सिरीजचीविषयी उत्सुकता वाढली आहे. 24 मे रोजी ही वेब सिरीज प्रदर्शित होईल.
