.jpg)
'माझ्या नवऱ्याची बायको' या मालिकेत शनायाची भूमिका साकारणारी अभिनेत्री रसिका सुनीलला अभिनयासोबतच गायनाची देखील आवड आहे. रसिकाने गायनाचं शिक्षणही घेतलेलं आहे. शिवाय तिने काही गाणीदेखील गायली आहेत. असचं एक गाणं रसिका येत्या दिवाळीत प्रेक्षकांच्या भेटीला घेऊन येत आहे.
"तुम बिन मोहे" असं या गाण्याचं नाव आहे. रसिकाने स्वत: या गाण्याला आवाज दिला असून तिनेच या गाण्याच्या व्हिडीओचं दिग्दर्शन केलेलं आहे. या गाण्याच्या निमित्ताने रसिकाने पहिल्यांदाच असा व्हिडीओ दिग्दर्शित केलेला आहे. लॉस एंजेलिसमध्ये या गाण्याचं चित्रीकरण करण्यात आलय.
नुकतच सोशल मिडीयावर लाईव्ह येऊन रसिकाने या गाण्याविषयीची माहिती चाहत्यांना दिली. शिवाय नुकतच या गाण्याचा टीझर प्रदर्शित झाला आहे. येत्या 15 नोव्हेंबर रोजी रसिकाचं हे नवं गाणं प्रदर्शित होणार आहे. एवढच नाही तर रसिकाने तिचं युट्यूब चॅनेलही सुरु केलेलं आहे. या गाण्यानेच तिच्या या नव्या चॅनेलची सुरुवात झाली आहे.
