'सिटी ऑफ ड्रिम्स'च्या पहिल्या सिझननंतर आता दुसऱ्या सिझनलाही चांगला प्रतिसाद मिळालाय. यंदाचं सिझनही प्रेक्षकांनी पसंत केलं आहे. म्हणूनच या वेबसिरीजच्या टीमने नुकतच या यशाचं सेलिब्रेशन केलय. यावेळी खास सक्सेस पार्टी आयोजित करण्यात आलीय. 

या पार्टीत या सिरीजची संपूर्ण टीम सहभागी होती. अभिनेत्री प्रिया बापट, सचिन पिळगांवकर, एजाज खान, अतुल कुलकर्णी या मुख्य कलाकारांसह इतर कलाकारही या पार्टीत सहभागी झाले. अभिनेता आदिनाथ कोठारे या पार्टीत सहभागी झाला होता. आदिनाथने सोशल मिडीयावर या खास पार्टीचे फोटो शेयर केले आहेत. यावेळी या पार्टीत कलाकार, तंत्रज्ञ टीमने मिळून सेलिब्रेशन केलं.

या सिरीजचे दिग्दर्शक नागेश कुकुनूरही यावेळी उपस्थित होते. 

या सिरीजमध्ये आदिनाथची महत्त्वपूर्ण भूमिका आहे. या सिरीजमधील त्याच्या कामाचं मोठ्या प्रमाणात कौतुक होत आहे.