कोरोना व्हायरस विषयी सगळ्यांना भिती आहे. या भयानक आजारामुळे लोकांमध्ये भितीदायक वातावरण आहे. मनोरंजन विश्वातील शूटींगही यामुळे बंद करण्यात आली आहेत. लोकं गर्दीच्या ठिकाणी जाणं टाळत आहेत. मात्र या आजाराविषयी जनजागृती करण्याची गरज अजूनही भासत आहे. आणि म्हणूनच ‘ह.म.बने तु.म.बने’ या मालिकेच्या टीमने पुढाकार घेत यासाठी एक स्पेशल एपिसोड प्रदर्शित करत आहेत.
‘ह.म.बने तु.म.बने’ मालिकेच्या भागात कोरोना व्हायरस विषयी जनजागृती करण्यासाठी खास एपिसोड चित्रीत करण्यात आला आहे. कोरोना व्हायरसच्या पार्श्वभूमीवर सध्या या मालिकेचही शुटींग बंद असलं तरी काही दिवसांपूर्वीच या भागाचं चित्रीकरण करण्यात आला आहे. याचा प्रोमोही प्रदर्शित करण्यात आला आहे.
यावेळी या मालिकेतील कलाकारांनी तोंडाला मास्क लावून खबरदारी बाळगल्याचं नुकत्याच समोर आलेल्या फोटोंमध्ये पाहायला मिळतय. शिवाय चित्रीकरण सुरु असताना स्वच्छतेचीही तितकीच काळजी घेतली गेली होती.
कोरोना विषयीची जनजागृती करण्यासाठी मनोरंजन विश्वातील कलाकारही पुढे सरसावले आहे. लोकांमध्ये जास्तीत जास्त जागरुकता निर्माण होण्यासाठी, त्यांनी यापासून स्वत:चा बचाव कसा करावा याचं आवाहनही कलाकार सोशल मिडीयाच्या माध्यमातून देत आहेत.
