लॉकडाउनमुळे मनोरंजन विश्व आणि चित्रीकरण जरी थांबलं असलं तरी कोरोनामुळे कलाकारांचं मनोबल खचलेलं नाही आणि उत्साहही कमी झालेला नाही. याचं ताजं उदाहरण म्हणजे मराठी अभिनेत्रींचं नुकतच प्रदर्शित झालेलं नवं गाणं.
‘घे उंच भरारी’ हे रेड बल्ब म्युजिकचं नवं गाणं नुकतच प्रदर्शित झालं आहे. या गाण्यात मराठी कला विश्वातील बऱ्याच अभिनेत्री पाहायला मिळत आहेत. या अभिनेत्रींनी घरातूच या गाण्यासाठी चित्रीकरण केलेलं आहे. या गाण्यात या अभिनेत्रींचा बिनधास्त, मनमौजी अंदाज पाहायला मिळतोय. कुणी गाण्याच्या ठेक्यावर नाचतय तर कुणी दिलखुलास हसतय. या अभिनेत्रींचं हे गाणं सध्याच्या परिस्थितीत सकारात्मक ऊर्जा देत आहे.
या गाण्यात अभिनेत्री स्पृहा जोशी, सोनाली कुलकर्णी, प्रार्थना बेहेरे, संस्कृती बालगुडे, सायली संजीव, प्राजक्ता माळी, ऋतुजा बागवे, पल्लवी पाटील, भाग्यश्री लिमये, मयुरी देशमुख, स्वप्नाली पाटील या एकूण 11 अभिनेत्री झळकत आहेत.
