10वी म्हणजे शालेय जीवनातला सर्वात मह्त्त्वाचा आणि अवघड टप्पा. प्रत्येकाला तो यशस्वीरित्या ओलांडून पुढचं मार्गक्रमण करावं लागतं. म्हणूनच मुलगा किंवा मुलगी दहावीला गेला म्हटल्यवर जणू संपूर्ण घरचं अभ्यासाला जुंपलं जातं. सूचनांचा भडीमार केला जातो आणि दिनक्रमात फक्त अभ्यास एके अभ्यासच असतो.
सध्या 10 वीच्या परीक्षेला अनन्यसाधारण महत्व प्राप्त झाले आहे. या परीक्षेमुळे ते 10 वीचं वर्ष विद्यार्थी आणि त्यांचे आई-वडील यांच्यासाठी ताणतणावाचं असतं. याच 10 वीच्या परीक्षेभोवती फिरणारा 10वी हा आगामी मराठी सिनेमा लवकरच प्रेक्षकांच्या भेटीला येत आहे. या सिनेमाचं पोस्टर नुकतंच फेसबुकवर लॉंच करण्यात आलं आहे.
या सिनेमाची कथा, पथकथा आणि संवाद मयूर राऊत आणि पियुष राऊत यांचे असून या दोघांनीही या सिनेमाच्या दिग्दर्शनाची जबाबदारी सांभाळली आहे. तर निर्माते सुधीर जाधव यांनीच ‘10 वी’ प्रस्तुतसुद्धा केला आहे. परंतु सिनेमातील प्रमुख कलाकारांची नावं मात्र अद्याप गुलदस्त्यातच आहेत. त्यामुळे यातील कलाकारांचा उलगडा होण्यासाठी याचा टिझर आणि ट्रेलरची वाट पाहावी लागेल.
https://twitter.com/DahaviM/status/1081084847337046017
ja
पालक आणि पाल्यांचं १० वीचं टेन्शन खल्लास करायला मयूर राऊत व पियुष राऊत दिग्दर्शित ‘10 वी’ सिनेमा लवकरच येतोय
