प्रत्येक शालेय विद्यार्थ्याच्या आयुष्यात येणारा सगळ्यात महत्त्वाचा आणि निर्णायक टप्पा म्हणजे इयत्ता दहावी. या वर्षाची भिती प्रत्येक विद्यार्थ्याला सतावत असते. हा दहावीचा बागुलबुवा पालक आणि विद्यार्थ्यांना घाबरवत असतो. दहावीच्या याच वर्षावर भाष्य करण्यासाठी मयूर राऊत आणि पियुष राऊत घेऊन येत आहेत सिनेमा दहावी. या दोघांनी चित्रपटाची कथा, पथकथा आणि संवाद यासोबतच दिग्दर्शनाचीही जबाबदारी उचलली आहे.
देवेंद्र अरोडा हे सह-निर्मात्याच्या भूमिकेत आहेत. रविराज पवार व आकाश पवार यांच्या गीतांवर संगीतसाज चढविला आहे अरुण चिल्लारा, आकाश पवार आणि ऐश्वर्य मालगावे यांनी. छायांकन मनोज सी कुमार यांचे असून पराग खाऊण्ड यांनी संकलकाची भूमिका पार पाडली आहे.
या सिनेमात काम करणा-या कलाकारांचे चेहरे पोस्टरमध्ये दिसत नसले तरी ट्रेलरमध्ये मात्र दहावी या सिनेमातील कलाकार भाव खाऊन जात आहेत. हा सिनेमा ८ फेब्रुवारी २०१९ ला रसिकांच्या भेटीला येत आहे.
https://www.youtube.com/watch?v=iXHW8iOrWfI
