सध्या 'जय देवा श्री गणेशा' या मालिकेची सगळीकडे चर्चा आहे. गणेशोत्सवाच्या मुहूर्तावर गणरायाची कथा प्रेक्षकांना या मालिकेच्या माध्यमातून पाहायला मिळतेय. नुकतीच ही मालिका प्रसारित झाली असून गणेशभक्तांचं मनोरंजन करत आहे.
या मालिकेत गणपती, पार्वती, शंकर, विष्णू यांच्या अनेक देवी देवतांच्या भूमिका उत्तम पद्धतिने साकारल्या गेल्या आहेत. यातील विष्णू देवाची भूमिका साकारणाऱ्या अभिनेत्याचं कामही लक्षवेधी ठरतय. अभिनेता तुषार कावळे ही भूमिका साकारतोय. या भूमिकेत तो उत्तम शिरलाय.
नुकतेच तुषारने त्याच्या विष्णूरुपातील फोटो सोशल मिडीयावर पोस्ट केले आणि या मालिकेसाठी प्रेक्षकांकडून मिळणाऱ्या प्रेमासाठी आभार मानले आहेत.
तुषारने याआधी अनेक मराठी आणि हिंदी मालिकांमध्ये काम केलं आहे. शिवाय तो अनेक जाहिरातींमध्येही झळकला आहे.
आगामी 'आठवा रंग प्रेमाचा' या सिनेमासाठी त्याने याचवर्षी चित्रीकरण केलं होतं. या सिनेमात तो सैराट फेम अभिनेत्री रिंक राजगुरुसोबत झळकणार आहे.
'जय देवा श्री गणेशा' ही मालिका 11 भागांची मालिका असून यात गणरायाच्या जन्मापासूनची कथा दाखवण्यात आली आहे. गणेश चतुर्थीच्या शुभ मुहूर्तावर ही मालिका प्रसारित झाली आहे.
