मराठी बिग बॉसच्या यशस्वी पहिल्या पर्वानंतर मागील वर्षी या कार्यक्रमाचं दुसरं पर्वही आलं. या दुसऱ्या पर्वाचा विजेता ठरला शिव ठाकरे. रोडीज या रिएलिटी शोमध्ये चर्चेत आलेल्या शिवला बिग बॉस मराठी कार्यक्रमातून मोठा चाहतावर्ग मिळाला. बिग बॉस मराठीचा विजेता म्हणून शिव प्रचंड लोकप्रिय ठरला आहे. बिग बॉसच्या घरातील त्याचा वावर, त्याची वागणुक पाहता तो महाराष्ट्राचा लाडका स्पर्धक ठरला.
शिव ठाकरेच्या याच विजयाला नुकतच एक वर्ष पूर्ण झालं आहे. या निमित्ताने शिवच्या परिवार आणि मित्रमंडळींनी मिळून खास सेलिब्रेशन केलं आहे. शिवने या सेलिब्रेशनचा एक व्हिडीओ सोशल मिडीयावर पोस्ट केला आहे.
या व्हिडीओत शिव केक कापून बिग बॉसच्या ट्रॉफीसोबत सेलिब्रेशन करताना दिसतोय. चाहत्यांनी आत्तापर्यंत दिलेली साथ शिवसाठी मोलाची असल्याचं म्हणत शिव या व्हिडीओतून चाहत्यांचे आभार मानतोय. शिवाय तो या पोस्टमध्ये लिहीतो की, "आपणा सर्वांचे मनापासून खूप खूप आभार. आपण दिलेली मोलाची साथ आणि प्रेमाचा मी अखंड ऋणी राहील.असेच आपले प्रेम, सदिच्छा, शुभेच्छा आणि साथ निरंतर राहो अशी आशा बाळगतो आणि मानापासून आभार मानतो."
