ज्येष्ठ अभिनेत्री आशालता वाबगावकर यांची कोरोनाशी झुंज अपयशी ठरली आणि त्यांनी अखरेचा श्वास घेतला. आई माझी काळूबाई मालिकेच्या सेटवर त्यांना कोरोनाची लागण झाली होती. त्यानंतर त्यांची प्रकृती चिंताजनक झाली असून त्या व्हेंटिलेटरवर होत्या. मात्र मंगळवारी सकाळी त्यांनी जगाचा निरोप घेतला. या प्रतिभावंत अभिनेत्रीच्या जाण्यानं मराठी मनोरंजन विश्वात शोककळा पसरली आहे. अनेकांनी त्यांच्या सिनेमांच्या आठवणींनाही उजाळा दिला आहे.

प्रसिद्ध दिग्दर्शक, निर्माते महेश टिळेकर यांनी देखील आशालता यांच्या खास आठवणींना उजाळा दिला आहे. त्यांनी आशालता यांच्यासोबतचा फोटो सोशल मिडीयावर शेयर केला. या फोटोत महेश यांच्यासोबत आशालता, भरत जाधव, विजू खोटे पाहायला मिळत आहेत. शिवाय त्यांनी या पोस्टमध्ये आशालता ताईंविषय़ीच्या आठवणी लिहील्या आहेत. 

यापैकी एक आठवण सांगताना महेश टिळेकर लिहीतात की, "काही वर्षांपूर्वी आम्ही एकत्र फॉरेन टूर केली .तिथे एका छोट्या क्रुजवर पॅरा ग्लायडिंगची व्यवस्था होती.अनेकजण ते करताना पाहून मीही त्याचा आनंद घेतला तेंव्हा समुद्राच्या वर उंचावर मला पॅराशुट मध्ये पाहून त्यांना आनंद झाला आणि मी खाली उतरल्यावर त्यांनी लहान मूल हट्ट धरते तसं मला सांगितलं"महेशा मला पण असं पॅराशुट मधून उंचावर जायचं " त्यांचे वय पाहता मी त्यांना आधी नाही सांगितल्यावर "काही होत नाही रे मला, तू नको काळजी करू, मेलं अर्ध आयुष्य तर गेलं, आता नाही एन्जॉय करायचं तर कधी"? त्यांचा तो उत्साह पाहून मी होकार दिला. आयुष्यातील प्रत्येक गोष्टीचा आनंद घेण्याचा त्यांचा आणि माझा स्वभाव सारखाच."

 

 

 

 

View this post on Instagram

 

 

 

 

 

 

 

 

 

चिरतरुण मैत्रीण आशालता भावपूर्ण श्रद्धांजली #RIP #ashalata "महेशा ,काय रे कसा आहेस बेटा तू" असं प्रेमाने चौकशी करणारा आशालता यांचा फोन आला की माझा तो दिवसच नाही तर पुढचे काही दिवस मस्त आनंदात जायचे. नेहमी फोनवर आणि भेटल्यावर ही भरभरून बोलून पोटभर गप्पा झाल्याशिवाय माझी ही मैत्रीण समाधानी होत नसे.2005 मध्ये माझ्या एका टिव्ही सिरीयल मध्ये आशालता यांनी काम केले होते तेंव्हा पासूनची आमची मैत्री आणि त्यातला स्नेह कधी कमी झाला नाही.वयाने ज्येष्ठ असूनही सतत नवनवीन शिकण्याची आणि पाहण्याची हौस असलेली ही माझी चिरतरुण मैत्रीण.वयानुसार कधी त्यांनी प्रकृतीची कुठलीच तक्रार केलेली मला तरी आठवत नाही. खाऊन पिऊन सुखी आनंदी राहणारी.मी नेहमी त्यांना गमतीने विचारायचो "आशाताई तुमची ही तरुणांनाही लाजवेल अशी तुकतुकीत कांती गोरे गोबरे गाल याचं रहस्य काय". माझा प्रश्न ऐकून त्या हसून उत्तर द्यायच्या की "काही नाहीरे मस्त आनंदात जगायचे आणि रोज चार मजले चढते उतरते त्यामुळे फिट राहते मी". त्या एकट्या राहत असूनही कधी कसली कुरकुर करताना मी त्यांना पाहिलं नाही. त्यांच्या आई वडिलांनी त्या काळी लता मंगेशकर आणि आशा भोसले यांचे नावं प्रसिद्धीच्या झोतात होते म्हणून या दोन गायिकांचे नाव एकत्र करून ' आशालता' हे नाव ठेवले त्याचा आशाताईंना नेहमी अभिमान असे. माझ्या वन रून किचन चित्रपटाच्या वेळी शूटिंगला, भरत,भार्गवी,विजू दादा,किशोर प्रधान अशी सर्वच कलाकारांनी मिळून आम्ही मात्र खूप धमाल केली .आशाताई खाण्याच्या बाबतीत पण खूप शौकीन आणि विजू खोटे पण . त्यामुळे खाण्याचे त्यांचे लाड पुरवताना मलाही खूप आनंद व्हायचा. सतत नवीन ठिकाणं आणि मोठ्या व्यक्तींना, कलाकारांना भेटायला त्यांना फार आवडायचं. एकदा त्यांना आणि विजू खोटे यांना मी बाळासाहेब ठाकरे यांना भेटायला घेऊन गेलो तेंव्हा तिथेही तासभर आमच्या गप्पा रंगल्या.काही वर्षांपूर्वी आम्ही एकत्र फॉरेन टूर केली .तिथे एका छोट्या क्रुजवर पॅरा ग्लायडिंगची व्यवस्था होती. अनेकजण ते करताना पाहून मीही त्याचा आनंद घेतला तेंव्हा समुद्राच्या वर उंचावर मला पॅराशुट मध्ये पाहून त्यांना आनंद झाला आणि मी खाली उतरल्यावर त्यांनी लहान मूल हट्ट धरते तसं मला सांगितलं"महेशा मला पण असं पॅराशुट मधून उंचावर जायचं " त्यांचे वय पाहता मी त्यांना आधी नाही सांगितल्यावर "काही होत नाही रे मला, तू नको काळजी करू, मेलं अर्ध आयुष्य तर गेलं, आता नाही एन्जॉय करायचं तर कधी"? त्यांचा तो उत्साह पाहून मी होकार दिला. आयुष्यातील प्रत्येक गोष्टीचा आनंद घेण्याचा त्यांचा आणि माझा स्वभाव सारखाच.

A post shared by Mahesh Tilekar (@maheshtilekar) on Sep 21, 2020 at 10:34pm PDT

आशालता या आयुष्यातील प्रत्येक गोष्टीचा मनमुराद आनंद घ्यायच्या अशा या आठवणी आहेत. त्यांच्या जाण्यानं अनेकांनी हळहळ व्यक्त केली आहे.