सध्या नवनवीन रोमॅण्टिक गीतांनी तरुणाईला भुरळ पाडली आहे. आता ह्यात आणखी एका नव्या गीताची भर पडली आहे. आभाळी सजली चंद्राची कोर..तशी दिसतेय भारी ही कोळ्याची पोर असे सुंदर बोल असलेले हे रोमँटिक गीत नुकतंच रसिकांच्या भेटीला आलं आहे.
अभिजित आमकर व प्रतीक्षा मुणगेकर या कलाकारांवर हे सुंदर गाणं समुद्रकिनारी चित्रित करण्यात आले आहे . केवल वळंज आणि स्नेहा महाडिक यांनी हे गीत गायले आहे. तर , प्रवीण कोळी यांची शब्द रचना आहे तर केवल वळंज यांनीच हे गीत संगीतबद्ध केले आहे .
कोकणचे निसर्ग सौंदर्य तुम्हाला या गीता मध्ये अनुभवता येणार आहे. "सप्तसुर म्युझिक" ने युट्युब चॅनेल वर हे गीत प्रदर्शित केले आहे .तर साईनाथ राज्याध्यक्षआणि फिल्मी आऊल स्टुडिओने या गाण्याच्या निर्मितीची धुरा सांभाळलीय. पराग सावंत यांनी या गाण्याची सिनेमॅटोग्राफी केलीय.
