भारताची गानकोकिळा लता मंगेशकर यांना करोनाची लगाण झाल्यानंतर त्यांना मुंबईतील ब्रीच कॅन्डी रुग्णालयात उपचारासाठी दाखल करण्यात आले. जगभर त्यांच्या उत्तम आरोग्यासाठी चाहत्यांनी प्रार्थना केल्या. दरम्यान त्यांच्या प्रकृतीत सुधारणा होत असल्याचे महाराष्ट्राचे आरोग्यमंत्री राजेश टोपे यांनी सांगितले आहे.
लता दीदी यांच्या प्रकृतीत सुधारणा होत आहे. मी ब्रीच कँडी रुग्णालयाच्या अधिकार्‍यांशी बोललो आहे, ज्यांनी मला त्याच्या प्रकृतीबद्दल अपडेट दिले आहे. त्यावेळी मी त्यांना विनंती केली की, रुग्णालयातील एका प्रवक्त्याने गायिकेच्या प्रकृतीबद्दल अपडेट द्यावा. कारण लोकांना त्यांची प्रकृती कशी आहे, याबाबत जाणून घ्यायचे आहे. लता मंगेशकर यांच्या कुटुंबीयांशी चर्चा केल्यानंतरच रुग्णालय त्यांच्या प्रकृतीबाबत अपडेट देऊ शकेल, असे ते म्हणाले.
लता मंगेशकर या ९२ वर्षांच्या आहेत. सध्या त्यांच्यावर आयसीयूमध्ये उपचार सुरु आहेत.
