'केसरी'नंतर अभिनेता विराट मडके 'सोयरीक' मधून भेटीला येणार आहे. 'सोयरीक' सिनेमात विराट वेगळ्या भूमिकेत दिसून येणार आहे. या सिनेमात विराट पोलीस कॉन्स्टेबलच्या भूमिकेत दिसून येणार आहे. सिनेमातील अनुभवाबद्दल विराट सांगतो,  ''माझ्यासाठी या  सिनेमाचा अनुभव खास होता, दिग्दर्शक मकरंद माने यांच्या सिनेमाचा मी फॅन आहे. त्यांचे वास्तववादी सिनेमा मनाला भावतात. तसाच सोयरीक हा सिनेमा महत्वाच्या विषयावर थेट भाष्य करणारा आहे, आणि म्हणूनच माझ्याकडे हा सिनेमा आला आणि मी लगेच होकार दिला. ''
'' या सिनेमात माझी शिकाऊ पोलिसाची भूमिका आहे,  तो सिनेमाचा सूत्रधारही आहे.मला माझ्या comfort च्या बाहेर काम करायला आवडत. आणि सोयरीक मधून वास्तववादी भूमिका कायला मिळाली याचा आनंद आहे  .  
मकरंद मानेन सोबत काम करताना खूप शिकायला मिळालं.  त्याचबरोबर किशोर कदम,छाया कदम ,शशांक शेंडे अशा दिग्गज कलाकारांसोबत काम करण्याचा अनुभवही खूप काही देऊन गेला.''असंही  विराट सांगतो.
मकरंद माने दिग्दर्शित सोयरिक सिनेमा ११ फेब्रुवारी रोजी प्रदर्शित होत आहे.या शिवाय लवकरच विराटचा एक सिनेमा आणि वेब सिरीज भेटीला येणार आहे.