करोनाचं थैमान जगासह देशात अजून सुरुच आहे. यातच लॉकडाऊनचा तिसरा टप्पा आता सुरु झाला आहे.सर्व दैनंदिन कामं ठप्प झाली आहेत. यामध्ये सर्वात जास्त गरज आहे मनोधैर्य टिकवण्याची. we can we shall overcome... ये युद्ध हम ही जीतेंगे ..या प्रेरणादायी गीताच्या माध्यमातून अभिनेता, दिग्दर्शक महेश मांजरेकर यांनी करोना योध्दयांना म्हणजेच पोलिस , डॉक्टर्स-नर्सेस, वैद्यकीय कर्मचारी. सफाई कामगार आणि पालिका कर्मचा-यांना मानवंदना दिली आहे.
या गीताचं खास वैशिष्टय म्हणजे यात महेश मांजरेकर यांच्या कुटुंबियांसह सिनेसृष्टीतील कलाकार व देशाचे आजी-माजी खेळाडूंनीसुध्दा सक्रीय सहभाग घेतला आहे. सध्या हे गाणं सोशल मिडीयावर बरंच व्हायरल होताना पाहायला मिळतंय,
We Can... We Shall... Overcome! ये युद्ध हम ही जीतेंगे ...या जबरदस्त गाण्यामध्ये महेश मांजरेकरांसह क्रिकेटर किरण मोरे, दिलीप वेंगसकर,संदीप पाटील, सुनील गावस्कर , पृथ्वी शॉ तसंच शिवाजी साटम, सई मांजरेकर गौरी इंगवले, वैभव तत्ववादी, सिद्धार्थ जाधव, पूजा सावंत, मेधा मांजरेकर, अमृता खानविलकर, सत्या मांजरेकर हे कलाकार झळकले आहेत.
