सोनी मराठी वाहिनीचा दिवाळी विशेष भाग पाहायला मिळणार आहे. या भागात या वाहिनीवरील सर्व कलाकार एकत्र पाहायला मिळतील. अजुनही बरसात आहे मालिकेतील आदिराज मीराचा खास परफॉर्मन्सही यात असेल. या भागाच्या चित्रीकरणावेळी पिपींगमून मराठीने मीराची भूमिका साकारणाऱ्या मुक्ता बर्वेला गाठलय.  यावेळी पहिल्यांदाच टेलिव्हिजनवर डान्स परफॉर्मन्स करण्याचा अनुभव तिने शेयर केलाय. यात मुक्ताचे चार परफॉर्मन्स पाहायला मिळतील. यात उमेश आणि मुक्ताचा रोमँटिक डान्सही पाहायला मिळेल. यावेळी मुक्ताने तिच्या दिवाळी सेलिब्रेशनविषयी सांगितलं.
यावेळी मुक्ता म्हणते की, "यावेळी सण म्हणजे तोच म्हणजे तुम्हाला हवं तसं जगायला मिळतय, काम करायला मिळतय. दोन वर्ष लोकं शांतपणे मास्क लावून घरी बसली होती. त्यानंतर   आपल्याला आवडतं आणि हवं असलेलं काम करतोय हाच सण आहे. या सगळ्याची किंमत आपल्याला कळलीय. फटाके, फराळ, किल्ला हे सगळं होत राहणार पण आपल्याला जे आयुष्याकडे बघण्याची जी दृष्टी मिळालीय ती चांगली दृष्टी घेऊन आपण दिवाळी साजरी करू."