स्पृहा जोशी एक उत्तम अभिनेत्री तर आहेच याशिवाय ती कविताही उत्तम करते. नाटक, सिनेमा, मालिका, सुत्रसंचालन अशा वेगवेगळ्या भूमिका पार पाडल्यानंतर स्पृहा आता वेबप्लॅटफॉर्मसाठी सज्ज झाली आहे. स्पृहा हिंदीमधील ‘द ऑफिस’ या वेबसिरीजमध्ये झळकणार आहे. ही वेबसिरीज 13 एपिसोडसची असणार आहे.
विकिन्स चावलामध्ये ९ ते ५ यावेळेत काम करणा-या कर्मचा-यांवर ही कथा बेतली आहे. ऑफिस कर्मचा-यांमधील आंबटगोड नातं, त्यांच्यातील बंध, स्पर्धा या सगळ्यांचं मिश्रण या मालिकेत दिसून येईल. स्पृहाच्या या वेबसिरीजमध्ये गीता या व्यक्तिरेखेत झळकणार आहे. गीता रिअल इस्टेट डीलिंगचं कम करत असते. स्पृहा या नव्या संधीबद्दल खुपच उत्साहित आहे.
या वेबसिरीजमध्ये मुकुल चढ्ढा, गौहर खान, अभिनव शर्मा, गाविन मेथलका,सयनदीप सेनगुप्ता, समृद्धी दिवाण, रणवीर शौरी, गोपाल दत्त, प्रियंका सेटिया, प्रीती कोचर, सुनील जेटली, चाइन हो लिआओ, मयुर बन्सीवाल आणि नेहपाल गौतम यांच्या भूमिका आहेत.