गानसम्राज्ञी लता मंगेशकर यांना आज वाढदिवसानिमित्ताने अनेकांकडून शुभेच्छा मिळत आहेत. सोशल मिडीयावर त्यांचे असंख्या चाहते त्यांना वाढदिवसाच्या शुभेच्छा देत आहेत. मराठीसह हिंदी मनोरंजन विश्वातील कलाकारांनीही भारतरत्न लतादीदींना वाढदिवसाच्या शुभेच्छा दिल्या.
अभिनेता अंकुश चौधरीनेदेखील त्याच्या आवडत्या गायिकेला शुभेच्छा देणारी पोस्ट केली आहे. या पोस्टमध्ये अंकुशने लतादीदींसोबतचा जुना फोटो पोस्ट केला आहे. हा फोटो 1993 सालचा आहे. ऑल द बेस्ट या प्रसिद्ध नाटकादरम्याची ही लतादीदींसोबतची आठवण अंकुशने शेयर केली आहे.
वाढदिवसाच्या खुप खुप शुभेच्छा @mangeshkarlata (ऑल दी बेस्ट 1993) pic.twitter.com/LRom3Th2Jc
— Ankush (@imAnkkush) September 28, 2020
अंकुश या पोस्टमध्ये लिहीतो की, "वाढदिवसाच्या खुप खुप शुभेच्छा लता मंगेशकर (ऑल दी बेस्ट 1993)" या फोटोत अंकुश चौधरीसह लता मंगेशकर, भरत जाधव, संजय नार्वेकर, महेश मांजरेकर हे कलाकार देखील पाहायला मिळत आहेत.
अंकुशसह अनेक मराठी कलाकारांनी लतादीदींच्या वाढदिवसानिमित्ताने सोशल मिडीयावर खास पोस्ट केल्या आहेत.
