नुकताच अभिनेत्री अभिज्ञा भावेचा विवाहसोहळा पार पडला. अभिज्ञा आणि मेहुल पै दोघं लग्नबंधनात अडकले. या विवाहसोहळ्यासाठी त्यांच्या परिवारासह अनेक पाहुणे मंडळी उपस्थित होते. यात अनेक मराठी मनोरंजन विश्वातील सेलिब्रिटीजही उपस्थित होते.
मात्र या सोहळ्यातील काही पाहुण्यांनी सगळ्यांचं लक्ष वेधलं. हे पाहुणे म्हणजेच काही कपल्स जे लवकरच लग्नबंधनात अडकणार आहेत. अभिनेता सिद्धार्थ चांदेकर आणि मिताली मयेकर या गोड कपलनी या लग्नसोहळ्याला हजेरी लावली होती. सिद्धार्थ आणि मितालीदेखील लवकरच लग्न करणार आहेत. त्यांचे केळवणाचे कार्यक्रमही पार पडत आहेत. या लग्नसोहळ्यात आलेल्या सिद्धार्थ आणि मितालीला ही कॅमेऱ्यात कैद करण्यात आलं.
अभिनेत्री ईशा केसकर आणि ऋषी सक्सेना हे कपलही या विवाहसोहळ्यात हजर होते. ईशा आणि ऋषी देखील काही वर्षांपासून एकमेकांना डेट करत आहेत. मात्र दोघं लग्न कधी करणार हे अद्याप समोर आलेलं नाही.
अभिज्ञा आणि मेहुलच्या लग्नात या कपल्सनी सगळ्यांचं लक्ष वेधलं आणि कॅमेऱ्यांनी या गोड कपल्सना चित्रीत करण्यात आलं.
