या लॉकडाउन काही लोकं आपल्या परिवारासोबत आहेत तर काही परिवारापासून दूर आहेत. वाढत जाणारा लॉकडाउनचा कालावधी कुटुंबापासून दुर असणाऱ्यांसाठी प्रचंड दु:खाची बाब आहे.
अभिनेत्री क्रांती रेडकरही तिच्या परिवारापासून या दरम्यान लांब आहे. तिला तिच्या आई – वडिलाची प्रचंड आठवण येत आहे. त्यातच आई – वडिलांच्या लग्नाच्या वाढदिवसालाही त्यांना भेटता येत नसल्याने ती दु:खी आहे. मात्र तरिही तिने सोशल मिडीयावर खास पोस्ट करत तिच्या आई-वडिलांच्या या नात्याविषयी सांगीतलं. शिवाय या पोस्टमध्ये क्रांतीने तिच्या आई-वडिलांसोबतचे तिचे लहानपणीचे जुने फोटोही पोस्ट केले आहेत.
क्रांती या पोस्टमध्ये लिहीते की, “लग्न हे चहासारखे असते. माझ्या एक नाटकात याविषयी एक लाईनही होती. 54व्या लग्नाच्या वाढदिवसाच्या मम्मी पप्पा तुम्हाला शुभेच्छा. तुम्ही माझ्यासाठी सर्वोत्तम पालक आहात. मला खूप वाईट वाटतय की आपण आज दरवर्षीप्रमाणे सोबत नाही आहोत. पण लवकरच हे सगळं संपल्यानंतर आपण लवकरच भेटू. पहिल्यांदाच इतक्या मोठ्या कालावधीसाठी आपण सगळे एकमेकांपासून दूर आहोत. पण पप्पा जसं म्हणतात तसं “की ही फक्त एक वेळ आहे आणि वेळ बदलत असते.” असं म्हणत क्रांतीने तिच्या आई-वडिलांना शुभेच्छा दिल्या आहेत.
