हिंदी मालिकांमधील प्रसिद्ध चेहरा अंकित मोहन मराठीत झळकला आणि मराठीतही लोकप्रिय झाला.. 'फर्जंद' या सिनेमातून मराठी प्रेक्षकांची पसंती त्याने मिळवली. त्याची उत्कृष्ट शरीरयष्ठीचे प्रेक्षक चाहते झाले. याच फिटनेसचं श्रेय अंकित त्याच्या वडिलांना देतो.
अंकितने नुकतेच त्याचे व्यायाम करतानाचे व्हिडीओ पोस्ट केले आहेत. यासोबतच तो कॅप्शनमध्ये लिहीतो की, "आजपासून 17 वर्षांपूर्वी व्यायामाला सुरुवात इथूनच केली होती. वडिलांनी शिकवलं होतं की शरीर आणि तब्येत बनवण्यासाठी वस्तूंची आणि माणसांची गरज नाही लागत विश्वासाची गरज असते. हे तुमचं जीवन आणि तुमचं शरीर आहे त्याची काळजीदेखील आपल्यालाच घ्यायची असते. वाकायचं नाही आणि हरायचही नाही."
वडिलांनी दिलेली ही शिकवण त्याच्या आजही लक्षात आहे. म्हणूनच या व्हिडीओमध्ये उपलब्ध असलेल्या वस्तूंचा वापर करून अंकित व्यायाम करताना दिसतोय. कधी विटा घेऊन तर कधी दरवाजाच्या कडेला लटकून तो व्यायाम करतोय. वडिलांनी दिलेली हीच शिकवण त्याच्या कामी आली. आणि याच फिटनेसमुळे अंकितला आता कला विश्वात वेगळी ओळख मिळाली आहे.
