अभिनेता पुष्कर श्रोत्री आणि संतोष जुवेकर हे इंडस्ट्रीमधले चांगले मित्र आहेत हे आपल्या सर्वांना माहित आहे. आगामी '३६ गुण' सिनेमात पुष्कर श्रोत्री आणि संतोष जुवेकर हे एकत्र झळकणार आहेत. ’३६ गुण’ हा नव्या सिनेमाच्या दिग्दर्शनाची धुरा समित कक्कड यांनी सांभाळली आहे.
या सिनेमाशी संबंधित अभिनेता पुष्कर श्रोत्रीने नुकताच एक मजेदार व्हिडिओ सोशल मीडियावर पोस्ट केला आहे. या व्हिडिओमध्ये पुष्कर रेट्रो मुडमध्ये 'तेरी मेरी कहानी' गाणं गात आहे. तर संतोष जुवेकर पुष्करला या गाण्याचा नवा अंदाज म्हणायला सांगत आहे. काही सेकंदांचा असणारा या दोघांचा धमाल व्हिडिओ सध्या सोशल मीडियावर व्हायरल होत आहे.
'हाफ तिकीट', 'आयना का बायना' यांसारख्या सिनेमांचे दिग्दर्शन करणाऱ्या समित कक्कड यांचा हा पुढचा मराठी सिनेमा आहे. साद भेंडे यांनी ‘३६ गुण’ चित्रपटाचे छायांकन केले आहे तर पराग संखे यांनी लाईन प्रोड्युसरची जबाबदारी सांभाळत या चित्रपटाच्या लंडनमधील चित्रीकरणासाठी विशेष सहकार्य केले आहे.संतोष जुवेकर, पुष्कर श्रोत्री, पूर्वा पवार आदी कलाकारांच्या या सिनेमात महत्वपूर्ण भूमिका आहेत.
