बिग बाॅस मराठी 2 रिअॅलिटी शो संपुन आता दोन महिने झाले आहेत. शिव ठाकरे हा यंदाच्या पर्वाचा विजेता झाला. याचसोबत शिव ठाकरे आणि बिग बाॅसच्याच घरातली स्पर्धक वीणा जगताप प्रेमळ नातं बिग बाॅस संपल्यानंतरही टिकुन आहे. दोघे प्रत्येक कार्यक्रमात आणि इव्हेंटला एकत्र दिसतात.
नुकतंच या लव्हबर्डसने बिग बाॅसच्या घरातील त्यांचा लाडका मित्र अभिजीत केळकरच्या घरी हजेरी लावली. शिव-वीणाने अभिजीतच्या मुलांसोबत सुद्धा धमाल केली. शिवने दोन्ही मुलांना पाठीवर बसवुन या अभिजीतच्या निरागस मुलांसोबत मजा केली.
असं म्हणतात, की या झगमगत्या दुनियेत झालेली मैत्री टिकवुन ठेवणं फार अवघड आहे. पण बिग बाॅस संपल्यानंतर मात्र शिव-वीणा-अभिजीत-वैशाली-विद्याधर जोशी यांची मैत्री अजुनही टिकुन आहे. शिव-वीणाने अभिजीतच्या कुटूंबियांसोबत घालवलेला वेळ हे या गोष्टीचं उदाहरण म्हणता येईल.
