मराठी आणि हिंदी इंडस्ट्रीमध्ये स्वतःच्या अभिनयाने वेगळं स्थान निर्माण करणारी अभिनेत्री म्हणजे स्मिता तांबे. स्मिता तांबेने अलीकडेच 'सेक्रेड गेम्स 2' मध्ये छोटीशी तरीही महत्वपुर्ण भुमिका साकारली.
आता स्मिता लवकरच 'गढुळ' या शाॅर्टफिल्मच्या माध्यमातुन प्रेक्षकांच्या भेटीला येणार आहे. या शाॅर्टफिल्मचा ट्रेलर नुकतंच युट्युबवर प्रदर्शित झाला आहे. ट्रेलरमधुन कथानक उलगडलं नसलं तरी आई आणि मुलामधील हळव्या नात्यावर आधारलेली ही वेबसिरीज असणार आहे.
गणेश शेलार यांनी या शाॅर्टफिल्मची पटकथा लिहीली असुन दिग्दर्शनाची धुरा सुद्धा सांभाळली आहे. स्मिता तांबेसह या शाॅर्टफिल्ममध्ये अविष्कार चाबुकस्वार, श्रीकांत यादव आदी कलाकरांच्या महत्वपुर्ण भुमिका आहेत.
