'शेटिमेंटल', 'क्लासमेट्स' आणि नुकत्याच प्रदर्शित झालेल्या 'ट्रिपल सीट' यांसारख्या मराठी सिनेमांद्वारे मराठी इंडस्ट्रीमध्ये स्वतःच्या सुंदर अभिनयाची छाप पाडणारी अभिनेत्री म्हणजे पल्लवी पाटील. आज पल्लवी पाटीलचा वाढदिवस आहे. यानिमिताने पल्लवीने 'वात्सल्य अनाथाश्रम' येथील अनाथ मुलांसोबत गप्पागोष्टी करून त्यांच्यासह वाढदिवस साजरा केला.
यावेळेस अनाथाश्रमातील अनाथ मुलांनी पल्लवीसाठी उत्साहात पल्लवीचा वाढदिवस साजरा केला. तसेच काही गाण्यांचे सुद्धा सादरीकरण केले. यावेळेस पल्लवी म्हणाली,''खूप छान वाटतंय. खूप दिवसांपासूनची इच्छा होती की या मुलांसोबत एक दिवस वेळ घालवावा. अखेर आज वाढदिवसाच्या निमित्ताने हा योग्य जुळून आला. जेव्हा आपल्याला आयुष्यात निराश वाटतं तेव्हा अशा ठिकाणी जाऊन भेट द्यावी. तेव्हा आपल्याला कळून येईल की आपले प्रॉब्लेम्स यांच्यासमोर किती लहान आहेत.'' अशा शब्दांमध्ये पल्लवीने आपल्या भावना व्यक्त केल्या.
पल्लवीची भूमिका असलेल्या 'ट्रिपल सीट' सिनेमाला प्रेक्षकांकडून चांगला प्रतिसादा मिळाला आहे. या सिनेमात पल्लवीसह अभिनेता अंकुश चौधरी आणि शिवानी सुर्वे यांच्या प्रमुख भूमिका आहेत.
