करणी सेनेने प्रकाश झा यांच्या ‘आश्रम चॅप्टर 2’ ला लीगल नोटीस पाठवली आहे. या सिरीजचा दुसरा चॅप्टर 11 नोव्हेंबरला एमएक्स प्लेअरवर रिलीज होत आहे. 'आश्रम चॅप्टर 2- द डार्क साइड' असं या नव्या भागाचं नाव आहे. 
या ट्रेलर रिलीजनंतर  महाराष्ट्रतील करणी सेनेचे प्रदेश संगठन मंत्री सुरजीत सिंह यांनी मेकर्सना नोटीस पाठवली आहे.

'आश्रम चॅप्टर 2- द डार्क साइड'चा ट्रेलर हिंदूंच्या धार्मिक भावनांना आवाहन करत आहे. यासोबतच येणा-या पिढीसमोर हिंदू धर्माची नकारात्मक प्रतिमा निर्माण होत असल्याचंही या नोटीशीत म्हटलं आहे. याशिवाय ‘सिरीजमधील पहिल्या चॅप्टरमध्येही काही विवादास्पद बाबी दाखवल्या गेल्या होत्या. तेच आता दुस-या चॅप्टरमध्येही सुरु आहे. त्यामुळे या सिरीजचं प्रक्षेपण थांबवलं जावं.’ अशी मागणी केली आहे.