सौंदर्यसम्राज्ञी आणि अभिनयसम्राज्ञी बॉलिवूडची धकधक गर्ल माधुरी दीक्षितने भारतीय सिनेमात खुप मोठं योगदान दिलं आहे. ती एक सर्वगुणसंपन्न अभिनेत्री असून तिची जागा दुसरं कोणीच घेऊ शकत नाही. माधुरी दीक्षित ही सोशल मिडीयावर सतत सक्रीय असते. विविध पोस्ट आणि व्हिडीओच्या माध्यमातून चाहत्यांच्या संपर्कात राहणं ती पसंत करते. तिच्या प्रत्येक पोस्टला चाहते भरभरुन प्रतिसाद देतात.
माधुरीने नुकताच एक व्हिडीओ शेअर केला आहे. पण नेहमीपेक्षा हा व्हिडीओ जास्त व्हायरल होतोय. कारणही खास आहे. नुकताच बहिण भावाच्या अतूट नात्याचा सण रक्षाबंधन साजरा झाला. माधुरीनेसुध्दा तिच्या मोठ्या भावाला राखी बांधून आणि ओवाळून सण उत्साहात साजरा केला.
. माधुरी यात तिच्या भावाचे औक्षण करताना दिसत आहे. औक्षण केल्यानंतर माधुरी आणि तिच्या भावाने एकमेकांना मिठी मारली. हा व्हिडीओ शेअर करत तिने कॅप्शन मध्ये सगळ्यांना रक्षाबंधनाच्या शुभेच्छा दिल्या आहेत. महत्त्वाचं म्हणजे माधुरीने या सणाला साजेसं असं गाणं व्हिडीओला लावलं आहे.
माधुरीने शेअर केलेला हा व्हिडीओ सोशल मीडियावर तुफान व्हायरल झाला आहे. तर चाहते त्यावर लाईक्स आणि कॉमेंट्सचा वर्षाव करतायत.
