लोकप्रिय टीव्ही अभिनेता आणि बिग बॉस १३चा विजेता सिद्धार्थ शुक्लाचे निधन झाले आहे. वयाच्या ४०व्या वर्षी सिद्धार्थने अखेरचा श्वास घेतला आहे. त्याच्या निधनानंतर सर्वांनच धक्का बसला असून सिनेसृष्टीमध्ये हळहळ व्यक्त केली जात आहे. अनेकजण सोशल मीडिया पोस्टद्वारे सिद्धार्थला श्रद्धांजली वाहत आहे. तर काहींना ही बातमी अद्याप खरीच वाटत नाहीय.
सिध्दार्थचं निधन हे हार्ट अटॅकमुळे आल्याचं सांगण्यात येत आहे. त्याला कूपर हॉस्पिटलमध्ये सकाळी दाखल करताच त्याला मृत घोषित करण्यात आलं, त्याचं पार्थिव शरीर अजून मुंबईतील कूपर रुग्णालयात ठेवण्यात आलं आहे. तिथे पोलिस आणि प्रसिध्दी माद्यमांची प्रचंड गर्दी जमली आहे.
