अभिनेता सुशांत सिंग राजपुतच्या मृत्यूला आता तीन आठवडे होत आहेत. सुशांतच्या जाण्यानंतर आठवणींच्या माध्यमातून तो आपल्यात आहे. याशिवाय चाहत्यांना त्याच्या शेवटच्या सिनेमाची उत्सुकता आहे. हा सिनेमा ओटीटी प्लॅटफॉर्मवर प्रदर्शित होत आहे. शिवाय सिनेमाच्या मेकर्सनी या सिनेमाच्या प्रदर्शनाची तारीखही जाहीर केली आहे. येत्या 24 जुलै पासून डिझ्नी प्लस हॉटस्टारवर हा सिनेमा पाहता येणार आहे.
पण यासोबतच मेकस उद्या म्हणजेच 6 जुलैला सिनेमाचा ट्रेलर जारी करण्याची मनीषा बाळगून आहेत. 25 जूनला या सिनेमाचं पोस्टर समोर आलं होतं. या सिनेमात सुशांतसोबत अभिनेत्री संजना सांघी झळकणार आहे. 'दिल बेचारा' हा सिनेमा हॉलिवुडच्या 'फॉल्ट इन अवर स्टार्स' या सिनेमाचा रिमेक आहे. मुकेश छाबरा यांनी या सिनेमाचं दिग्दर्शन केलं आहे. विशेष म्हणजे या सिनेमाला डिन्से-हॉटस्टारचे नॉन सबस्क्रायर्सही पाहू शकणार आहेत.