'माझ्या नव-याची बायको' ही छोट्या पडद्यावरची मालिका गेली चार वर्ष रसिकांचं मनोरंजन करतेय. या मालिकेला कितीही नावं ठेवा, ट्रोल करा तरी याच्या टीआरपीवर काही परिणाम झाला नव्हता. टीआरपीच्या रेसमध्ये ही मालिका अव्वलच ठरत होती. राधिका, गुरुनाथ, शनाया, माया , सौमित्र यांच्याभोवती फिरणारं या मालिकेचं कथानक आता लवकरच पूर्णविराम घेत आहे. त्या जागी आता नव्या मालिकांची वर्णी लागतेय,
अखेर 'माझ्या नव-याची बायको' ही मालिका प्रेक्षकांच्या निरोपासाठी सज्ज झाली आहे. यातच या मालिकेच्या संपूर्ण टीमने ् त्यांच्या रॅप अप पार्टीचा एक धम्माल व्हिडीओ शेअर केला आहे. सध्या पाकिस्तानी इन्स्टा स्टार दानीचा पावरी व्हिडीओ सोशल मिडीयावर धुमाकूळ घालतोय. याच ट्रेण्डमध्ये माझ्या नव-याची बायको टीमसुध्दा सहभागी झाली.
मालिकेत गुरुनाथला आपल्या मायाजालात अडकवणारी अभिनेत्री रुचिरा जाधव हिने हा सेल्फी व्हिडीओ शूट केला आहे.
'माझ्या नवऱ्याची बायको' ही मालिका आता प्रेक्षकांचा निरोप घेणार आहे. 7 मार्चला या मालिकेचा शेवटचा एपिसोड प्रसारित केला जाणार आहे. तर त्या जागी 8 मार्चपासून घेतला वसा टाकू नको ही मालिका सुरु होत आहे.
