आई कुठे काय करते या मालिकेने प्रेक्षकांच्या मनात वेगळं स्थान निर्माण केलं आहे. कलाकारांचे दमदार अभिनय आणि तितक्याच ताकदीचे संवाद आणि दिग्दर्शनामुळे मालिका सध्या महाराष्ट्राच्या घराघरात पोहोचली आहे.
मालिकेतील प्रत्येक व्यक्तिरेखांनी रसिक प्रेक्षकांच्या मनावर छाप पाडलीय. मालिकेतील उत्कंठावर्धक कथानक नेहमीच प्रेक्षकांना खिळवून ठेवतं.
अनिरुध्द, अरुंधती आणि संजना यांच्या भोवती गुंफलेलं हे कथानक विविध वळणं घेत आहे. पण आता अनिरुध्द आणि अनिरुध्दचा घटस्फोट झाला असून हे दोघे वेगळे झाले आहेत. तर इथे संजना गुडघ्याला बाशिंग बांधून बसली आहे. तिला अनिरुध्दसोबत लग्न करण्याची आणि देशमुखांच्या घरात येण्याची प्रचंड घाई झालीय. आता तर संजनाने लग्नाची तारीखसुध्दा पक्की केली आहे.
हल्ली सोशल मिडीयाचा जमाना असल्याने आवडत्या मालिकेवर त्यातील व्यक्तिरेखांवर मीम्स व्हायरल करण्याचा ट्रेंड आहे. सध्या आई कुठे काय करते मालिकेच्या धम्माल मीम्सनी सोशल मिडीयावर धुमाकूळ घातला आहे.
अनिरुध्द आणि संजनाच्या लग्नावर नेटक-यांनी धम्माल मीम्स व्हायरल केले आहेत.
हे मीम्स पाहून तुम्हीसुध्दा खळखलून हसाल.
इतकंच नाही तर अनिरुध्द-संजनाची धम्माल लग्नपत्रिकासुध्दा व्हायरल होतेय.
