गेल्या आठवड्यातच चित्रपट निर्मात्यांनी शेरनी चा पोस्टर आऊट केला होता त्यानंतर ह्या चित्रपटाबद्दल उत्सुकता वाढली होती . जवळजवळ एक वर्षानंतर विद्याला चित्रपटात पाहण्यासाठी चाहते उत्सुक असताना निर्मात्यांनी आज या बहुचर्चित सिनेमाचा ट्रेलर रिलीज केला आहे.
न्यूटन फेम अमित मसुरकर दिग्दर्शित या चित्रपटाचा प्रीमियर अ‍ॅमेझॉन प्राइम व्हिडिओवर होणार आहे. ,शेरनी ही एक काल्पनिक कथा आहे जी आपल्याला मानव-पशु संघर्षाच्या जगात संतुलनासाठी प्रयत्न करणाऱ्या वन- अधिकाऱ्याच्या प्रवासात घेऊन जाते.
ट्रेलर लॉन्चबद्दल उत्सुक होत अष्टपैलू अभिनेत्री विद्या बालन म्हणाली की, “जेव्हा मी प्रथम शेरनी ची कहाणी ऐकली तेव्हापासून मला जग मोहक आणि अधीक सुंदर वाटू लागले आहे. तसेच मी ज्या भूमिकेत आहे, त्यात विद्या ही कमी शब्दांची पण अनेक आयामांची स्त्री आहे. हा चित्रपट एका संवेदनशील विषयावर आधारित आहे जो केवळ मनुष्य-प्राणी यांच्यातच नव्हे तर मानवांमध्येदेखील आदर, परस्पर समन्वय आणि सह-अस्तित्वाच्या विषयाला स्पर्श करतो. अमेझॉन प्राइम व्हिडिओद्वारे हे अनोखे पात्र आणि कथा जागतिक प्रेक्षकांसमोर येणार आहे याचा मला आनंद होत आहे आणि ते यात मत्रमुग्ध होतील अशी आशा करते. ”
दिग्दर्शक अमित मसुरकर पुढे म्हणाले, "शेरेनी ही एक गुंतागुंती स्तराची कहाणी आहे, ती मानवजातीसाठी आणि प्राण्यांमधील संघर्षाच्या गुंतागुंतीच्या मुद्द्यांचा शोध घेते. विद्या बालन ही मध्यम-स्तरीय वन अधिकारी म्हणून काम करते, जी अडथळे व दबाव असूनही, कार्यसंघ आणि स्थानिक सहयोगी यांच्याबरोबर, वातावरणात संतुलन टिकवून ठेवण्यासाठी तिचे काम करत राहते. तिच्याबरोबर काम करणे, उत्कृष्ट कलाकार आणि उबर-प्रतिभावान टीम, माझ्यासाठी एक उत्तम अनुभव आहे. मला आशा आहे की अमेझॉन प्राइम व्हिडिओवर शेरनी दाखवल्यास या कथेला विस्तृत आणि वैविध्यपूर्ण भारत आणि जगभरातल्या प्रेक्षकांपर्यंत पोहोचण्यास मदत होईल. ”
निर्माता भूषण कुमार म्हणतात की, “आम्ही आमच्या खास चित्रपटाचा ट्रेलर रिलीज करण्यास उत्सुक आहोत. शेरनी हा सर्वात महत्त्वपूर्ण चित्रपटांपैकी एक आहे, ज्याचा मी एक भाग होणे हे ह्या काळाची गरज आहे असे मला वाटते. प्रेक्षकांनी याचा अनुभव घ्यावा यासाठी मी आतुर आहे. ”
निर्माता विक्रम मल्होत्रा पुढे म्हणाले, “शेरनीचा एक भाग असल्याचा मला अत्यंत अभिमान आहे आणि विद्या बालनबरोबरची ही अपारंपरिक प्रेरणादायक कहाणी अगदी उत्तम रूपात जगाने पहावी यासाठी मी खूप उत्सुक आहे.
भूषण कुमार, कृष्ण कुमार, विक्रम मलहोत्रा आणि अमित मसुरकर निर्मित या चित्रपटामध्ये शरत सक्सेना, मुकुल चड्डा, विजय राझ, इला अरुण, ब्रिजेंद्र कला आणि नीरज कबी यांचा समावेश आहे. शेरनी विशेषपणे अमॅझॉन प्राइम व्हिडिओ वर जून 2021 ला प्रदर्शित होईल.
