अक्षय कुमारच्या आगामी पृथ्वीराजची उत्सुकता दिवसेंदिवस वाढताना दिसत आहे. आताच पीपिंगमूनला मिळालेल्या माहितीनुसार या सिनेमात अक्षयसोबत सोनू सुद आणि आशूतोष राणा यांचीही वर्णी लागली आहे. या सिनेमात संजय दत्त आणि मानुषी छिल्लर दिसणार असल्याचं आम्ही तुम्हाला आधीच सांगितलं होतं. अक्षय पृथ्वीराजच्या भूमिकेत तर मानुषी संयुक्ताच्या भूमिकेत दिसणार असल्याचं आम्ही तुम्हाला सांगितलं होतं.
सोनू या सिनेमात चांद बरादाई या कवीच्या भूमिकेत दिसणार आहे. जो पृथ्वीराजला मुहंमद घौरीला मारण्यासाठी मदत करतो. मानव विज हा कलाकार मुहंमद घौरीच्या भूमिकेत दिसणार आहे. याशिवाय गोविंद पांडे, ललित तिवारी आणि मनोज जोशी ही या सिनेमात दिसणार आहे.
अक्षयच्या या सिनेमातून पृथ्वीराज चौहान या राज्यकर्त्याचा पराक्रम पडद्यावर आणण्यासाठी सज्ज झाला आहे. याशिवाय या सिनेमाला पृथ्वीराज आणि संयुक्ताच्या प्रेमकथेचीही किनार आहे. चंद्रप्रकाश द्वीवेदी या सिनेमाचं दिग्दर्शन करत आहेत.
