आपल्या लाडक्या सेलिब्रिटींचे फोटो घेण्यासाठी फॅन्स नेहमीच पुढे सरसावत. सेलिब्रिटींच्या एका फोटोमुळे त्यांचा आनंद गगनात मावेनासा होतो. पण नुकतंच एका चाहत्याचा सेल्फी घेताना प्रचंड हिरमोड झाला आहे, कारण त्याला सेल्फी तर मिळाला नाहीच शिवाय त्याचा फोनही हिसकावण्यात आला. बॉलिवूड दबंग खान सलमानचा सेल्फी घेण्याचा तुम्ही जर विचार करत असाल, तर थांबा.. आधी हा व्हिडीओ पाहा.
सलमान खानच्या राग अनावर होण्याचा पुन्हा एकदा प्रत्यय आला . गोवा एअरपोर्टवर सलमान खान स्पॉट झाला. त्याच्या आगामी राधे सिनेमाच्या शूटींगनिमित्त तो गोवा येथे आला आहे. सलमान एअरपोर्टवरुन बाहेर पडताना एका चाहत्याने त्याच्यासोबत सेल्फी घेण्यासाटी तो आपल्या फोनसह त्याच्यापुढे सरसावला. पण तेवढ्यात आपल्या बॉडीगार्डसह येणा-या सलमानने चाहत्याच्या हातातून कुठलाही मागचा पुढचा विचार न करता फोन हिसकावून घेतला.
रागाच्या भरात असं कही वेडं-वाकडं पाऊल उचलण्याची ही पहिलीच वेळ नाही. यापूर्वीसुध्दा त्याने चाहत्यांचा राग अनावर होऊन असं कृत्य केलं आहे. गाडीतून उतरुन फॅन्सला मारणे. सायकल चालवताना पाठलाग करत व्हिडीओ काढणा-याचा फोन हिसकावणे, दमदाटी करणे हे त्याच्यासाठी नवीन नाही. त्यामुळे ह्या घटनेचं नवल वाटायला नको.
